ជំនួបពិភាក្សាការងារជាមួយគណៈប្រតិភូមន្ទីរអប់រំក្រុងប៊ូសាន ក្រោមអធិបតីភាព លោកជំទាវ គឹម សេដ្ឋានី
09-December-2015 | ដោយ មួយឡា
ភ្នំពេញ៖ លោកជំទាវ គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា បានទទួលជួបលោកស្រី An Suk E ប្រធានផ្នែកគាំទ្រការអប់រំមជ្ឈមណ្ឌលព័ត៌មាន និងស្រាវជ្រាវអប់រំ នៃមន្ទីរអប់រំក្រុងប៊ូសាន សាធារណរដ្ឋកូរ៉េ នាព្រឹកថ្ងៃទី០៨ ខែធ្នូ ឆ្នាំ២០១៥ ដើម្បីពិភាក្សាការងារក្រោមកម្មវិធីលើកកម្ពស់ភាពជាដៃគូសកលស្ដីពី បច្ចេកវិទ្យាព័ត៌មាន និងសារគមនាគមន៍ (ICT) ក្នុងវិស័យអប់រំ នៃក្របខ័ណ្ឌអនុស្សរណៈនៃការយោគយល់គ្នាក្នុងសហប្រតិបត្តិការលើផ្នែកបច្ចេកវិទ្យាព័ត៌មាន និងសារគមនាគមន៍។
ថ្លែងក្នុងកិច្ចសំណេះសំណាលនេះ លោកជំទាវ បានថ្លែងអំណរគុណដល់មជ្ឈមណ្ឌលព័ត៌មាន និងស្រាវជ្រាវអប់រំទីក្រុងប៊ូសាន ដែលបានសហការយ៉ាងល្អជាមួយក្រសួងអប់រំ យុវជន និងកីឡា ក្នុងការជួយកសាងសមត្ថភាពគ្រូបង្រៀននៅកម្រិតមធ្យមសិក្សាបឋមភូមិ និងទុតិយភូមិ ឱ្យមានចំណេះដឹងទូលំទូលាយ លើការប្រើប្រាស់បច្ចេកវិទ្យាព័ត៌មានក្នុងការរៀន និងបង្រៀនឲ្យបានប្រសើរ ក៏ដូចជាការឧបត្ថម្ភនូវសម្ភារៈបច្ចេកវិទ្យាជាច្រើនក្នុងការលើកកម្ពស់ប្រសិទ្ធភាពនៃការបង្រៀន និងរៀនដោយប្រើបច្ចេកវិទ្យាព័ត៌មាន និងសារគមនាគមន៍នេះ។
លោកជំទាវ បានបន្ថែមទៀតថា កិច្ចសហប្រតិបត្តិការយ៉ាងល្អរបស់មជ្ឈមណ្ឌល ស្របជាមួយនឹងកិច្ចខិតខំប្រឹងប្រែងរបស់ក្រសួងក្នុងការបញ្ជ្រាបការប្រើប្រាស់បច្ចេកវិទ្យាព័ត៌មានក្នុងការរៀន-បង្រៀន ឲ្យបានគ្រប់មុខវិជ្ជានៅកម្រិតមធ្យមសិក្សានាពេលបច្ចុប្បន្ន៕
ប្រភព៖ ទំព័រក្រសួងអប់រំ យុវជន និងកីឡា
ចំនួនអ្នកទស្សនា
- ថ្ងៃនេះ3981
- ម្សិលមិញ20231
- សប្តាហ៍នេះ83061
- ខែនេះ104941
- ឆ្នាំនេះ104941
- សរុប20547397